Connexion    
 + Enregistrement
  • Main navigation
Connexion
Identifiant :

Mot de passe :


Mot de passe perdu ?

Inscrivez-vous !
Qui est en ligne
1 Personne(s) en ligne (1 Personne(s) connectée(s) sur Articles)

Utilisateurs: 0
Invités: 1

plus...
Musique Gardmit
Auteur : SidiBulman
Article ID : 7
Public : Default
Version 1.00.01
Date de publication: 21/01/2012 16:20:17
lectures : 987

Lxir aya teddugh g laεlawi-nnek utant-i tfakcin g iflila n ddaw lemwazeb-nnek. Kdigh arḍmiy ig da ikkat unzar afella n igudir-nnek. Tannayd-i ar gemmagh g urbi-nnek, ar ttemghuregh ku yass s waddad-nnes (état), ass-a amdaz, asekka imeṭṭawen maka abda tḥḍid-i s uṛaεa. Tfregd-i s taṭfi tammed i waεdawen ad ur k-id-kjmen. Imi-nnek abda itkwar ig degs igherd uwessar yagh, yazzel degs umezzan. S ggiḍ yame-t udewwab.

Tgid-agh asemmiḍ g unebdu nna g iggudey unerghi, tgd-agh tikḍift g wussan n tgrest s unerghi nna smutturen igudir-nnek g unebdu.
G yigran-nnek ssaragh s uzir iwet-i ughtir n iferxan-nnek. Aghtir amm tfikkect ig iwtan knugh s akal-nnek asigh-t g yuwet txwmmict ammegh-iss iydammen ad ur sustuyen. Kksegh ibawen, nekk tzuyi-new, nssker taxdact g igidu n wasif-nnek. Ttecigh taṛṛemmanin n iskwla-nnek sulent zegzawent, zzenzigh iferka-nnsent. Uligh tikwa-nnek smuttregh igumma-nnsent (fruits).

Mr d-usiyegh ad urugh ghef ujmil nna yi-tgid, ad urugh icelfan tkuregh-issen tisedlisin (bibliothèques). Maka ghas ssektigh-d yuwet tmeqqit g yil (mer) n umezruy-nnek. Aya akw ad inigh is iyengha wul-inew annaygh tarwa-nnek theyya-yak aserruy amm backliḍ n balo.

Ittsen g warraw-nnek usin anezgum (résponsabilité) lan tawuri, maka ufent tutmin digsen irizen a ghur llan yiman-nnek. Ittsen zzwaren tiwizi (hadssayem), kksen lkwerfi rulen, ddun-d wiyeḍ ferḍen asagem ẓin (se sont disputés), tqqim-d d afeṛdiy ar ten-tallad.

Ig d-yusey ka ira ad yili tawuri nkren-d wiyeḍ ar as-kkaten iḍarren ad ur yaley, tagged-asen ighef trared s ul-nnek.

Max i yighrem-inew ad ur tsghuyyed ghef tarwa-nnek tesmund-ten tamunt n iḍudan ghef tizza (valeurs) nna tkerzed g imezwura-nnek?

Max a yighrem-inew ad tagged ighef i tamessi tqqend allen-nnek ammi ur ten-tannayed? Mid tnnid-as-t g umezzugh i wmerḥun n Σmmi Ḥddu, ar agh-t-ittini nagey ad nakey?

Righ a yighrem-inew ad tẓẓud izeghwran-nnek g tsutiwin d-ittalin uma ti hat sgarḥent, gufent.

Righ a yighrem-inew ad d-tgerd ghas aghuyyi-nnek, ini-yas ad ig ameggaru, is ur d-ittefafa mag sullen ka n yiman ad ilin tawuri.

Sghuyy a yighrem-inew, sghuyy

0
Version imprimable Envoyer cet article à un ami
Les commentaires appartiennent à leurs auteurs. Nous ne sommes pas responsables de leur contenu.
Posté Commentaire en débat